【尋港督】 大癲:566個座位售罄!🤯🎬🎉
「綠豆」 搞 《港督原來喺左近》 放映會,一開始真係有啲癲。成日撫心自問:「到底會唔會有人嚟睇呀?」🤔
嗰陣 book 咗一間有 566個座位嘅大影院🍿,心諗最壞嘅打算,就係用布遮住啲冇人坐嘅位——只要你唔覺得尷尬,尷尬嘅就係人哋!
點知估唔到,公開賣飛三個多星期,566 個座位全部售罄!原來更癲嘅,係你哋!多謝大家!💚
仲有更癲嘅——有人喺候補名單等門票,有人留言話因為返工未能確定可唔可以出席,結果賣晒飛之後仲特登嚟問仲有冇位。請放心,如果有已購票觀眾通知我哋未能出席,我哋會優先將釋出嘅門票,畀候補名單上嘅朋友。🎟️
仲有一班移英香港人同小店,當日會捐出物品義賣,包括由義工親手勾織的聖誕小裝飾🎄🧶,產品就有鳳梨酥、老婆餅、辣椒油、港式奶茶檸茶粉等🍍🥮🌶️☕,所有義賣收益全數支持 「綠豆」 營運。
當然,唔好唔記得我哋嘅產品!綠豆 「從未離開的家」 2026 年掛曆已經開賣 📅,今年仲有「豆袋」 Tote Bag 同 「豆仔日常」 貼紙,都可以喺 Beany Store 買到。放映會現場都會有售—— 想慳郵費,不妨事先上網睇定,現場購買更方便!
寫到呢度,好似有啲似賣廣告,不過講真,我哋確實需要大家嘅實際支持,先可以繼續製作高質節目,陪大家一齊探索新生活。💪
未入場,先興奮 🔥!好快見~
*****************
📅 《綠豆》 2026年掛曆及全新紀念品
*****************
🌱 支持 《綠豆》 營運
其他已登陸平台 Patreon | Facebook | Instagram | Apple Podcast | Spotify Podcast
*****************
Comments (4)
support, 好想係加拿大睇到
恭喜綠豆紀錄片將會全院滿座! 請問月曆可以網上訂購,現場攞嗎?可以想像到時人多擠擁,憑訂單取貨會較流暢。你們亦更易控制當天現貨量同物流。
多謝你支持!🙏 暫時未有安排「網上訂購、現場取貨」的方式,月曆只限現場即場購買。我哋會盡力安排得有秩序,希望大家都買得安心、開心~💚
What a amazing story your guys has been made. 綠豆新芽,啟發新家!
