專屬球季總結25-26：Slot成代罪羔羊，不幸事件疊加，理應體諒利物浦（何Wayne）27-5-26

He is sacked

人就係太容易沉迷係過去嘅成就之中 高普為利物浦嘅貢獻真係太大，令到佢走咗之後先拎到個英超冠軍都變到好似好關佢事，明明嗰一季嘅轉會窗利物浦冇購入任何關鍵球員，喺兩季嘅陣容幾乎一樣嘅情況底下slot 能夠奪得英超冠軍，根本上就要俾返一個好大嘅尊重佢 既然佢嘅戰術係符合未來趨勢，點解唔俾時間佢去實踐，而係喺經歷一個冇咁滿意嘅球季之後就要求佢下台，呢件事無論點樣解釋都非常之唔合理，況且高普最擅長嘅全場重金屬壓迫都已經明顯比時代淘汰，繼續深信同一理論只會令到利物浦變成10年前嘅曼聯或者依家嘅熱刺。明顯係見到某部份利物浦球迷對slot 係有着一款近乎癡迷嘅憎恨，由一開頭批評佢嘅戰術，發現咗原來係陣容嘅問題就轉為批評佢嘅為人，明明上一季同一個人都冇咁多問題，但就係因為一個球季嘅失敗，slot 喺部份球迷嘅眼中就好似變成一個超級大壞蛋，無論佢做咩都係唔啱。 不積跬步，無以至千里，重建陣容嘅道路係漫長而且辛苦，但一間球會想要持續成功就必須要向前行，而重建陣容就係向前行嘅必經之路。 希望slot 能夠喺今年嘅比賽之中，吸取經驗，以及處理好現有陣容嘅問題，更希望jota 嘅靈魂可以安息。 縱使失敗，亦永不放棄。呢個先係利物浦呢間球會長久以來嘅精神。 You’ll never walk alone

加雲貝治係咪因為世界盃年 要就荷蘭迪莊打6號位 佢要練打8號？

高普咩資源呀大佬 佢開局係羅渣士班底， 後防係史基 懦夫雲 佳尼 摩難奴 ， 仲有成班未開竅既神軒法明奴古天奴。 呢班球員嘅提升都係高普練出黎 ，個個轉會窗都1換1咁，冇錢洗 史洛開局成隊係完全體呀大佬 ，係英超冠軍班底 ，手執沙拿雲迪克， 你走去拆骨 要砍掉重練踢傳控 洗幾億 仲要踢得衰 係咩邏輯？

何sir點睇 水晶宮 歐協

唉丟 利物浦搶巴西仔過檔啦

仲有一點，今季Slot瘋狂食錯藥 (兩次雙紅會, 三次曼城, 兩次巴黎, etc.)，明明上年打大戰都好地地 (除左主場打巴黎)，點解今年差咁遠？

我又陰謀論咁講，史洛食最大嗰隻死貓係放棄沙拿。其實放棄沙拿係腦細既意思，但係受制於球迷既壓力，唔敢對呢個冠軍功臣兼 Old Seafood 開刀，所以被迫續約沙拿一年，但又唔可以停低改革步伐，就諗咗條屎橋，借比較聽話既史洛之手黎將沙拿邊緣化，但結果就激嬲咗沙拿同佢既支持者，沙拿當然係借社交媒體潑火去搶返自己個正選席位，球迷亦跟隨沙拿既風向去鬧，鬧既對象好自然就係史洛，而唔係同沙拿續約既腦細，腦細全季時間處於靜默狀態，遠距離睇住史洛被D到體無完膚，全身多處骨折既史洛痛住去搵腦細哭訴，腦細就安慰史洛： “捱到季尾就一天都光晒架喇，我對你有無限信心，撐你，如果你幫我食呢隻死貓捱到季尾，到時你話買邊個我就買邊個俾你，乖，你返出去頂住班癲佬啦，加油！” 話音剛落史洛又俾腦細推返出去俾球迷繼續毆打，打到家下。。。 呢個故仔解釋咗點解腦細咁義無反顧撐史洛。因為無一個教練肯咁樣捱義氣食呢隻死貓，沙比唔肯，心高氣傲既馬利之卡更加唔會。

但係利物浦嗰兩個中堅未買返嚟未踢就已經傷，會唔會代表佢哋嘅體質太差將來會容易受傷？

利記都需要檢討訓練方法同醫療團隊，因為啲球員咁易傷，可能訓練量過大，或者防受傷既針對性訓練不足？

作為利迷，見好多利迷咩都賴哂史諾，上季贏英超歸功哂高普，其實都幾心淡

迪奧文迪，森馬維，保雲！

何sir，想問利記應唔應該買保雲？

從幾季轉會窗中看到，利物浦高層由銳意由工兵型轉技術型，跟本未完成更新換代。高普明顯唔係好識用技術型中場而離開（重用遠藤航，不用加芬比），要等到slot先可以叫開始轉型，上季冠軍其實係bonus。

可能何sir唔認同但我一路覺得賣l.diaz係敗筆 如果今季有diaz唔至於咁肉酸

其實加加埋埋咁多因素都頂到未比人炒已經好鬼好運😂😂仲要班所謂球迷不斷發癲係度slot out不得不佩服管理層同老闆嘅耐性同埋決定

作為一個車迷，我想講：利迷你哋已經好幸福㗎喇，你睇下我哋衰成咁你仲唔知足。🤣🤣🤣🤣

何sir比一眾利迷對slot有信心😂