專屬賽後評：Slot概念沒問題，但團隊有問題（何Wayne英超賽後評 - 維拉 4 : 2 利物浦）18-5-26
Comments (20)
可唔可以評論下沙拿言論
要清走晒VVD, M10, S8, R26, 沙拿, Gakpo 呢堆瘀血。唔係廢就係更衣室搞事。高普d餘毒未清，如果當初唔係請高普，一早請控球在腳教練，就唔會9年得1個英超
用今季既Salah同Chiesa打重金屬啊？ Salah真係夠膽寫出黎都犀利
真係咁想踢heavy metal attack，沙比其實都係滿足唔到利記球員同球迷，市面上Frank最符合，董事局夠唔夠膽請先
其實史洛咪就係坦克 ，都係得個樣嘅「傳控教練」 。 唔打返防反就冇嘢睇， 傳控細節永遠都係欠奉 永遠都係Sell自己有料係啲球員執行唔到 概念無問題 ， 但實行上有問題 ， 係咪叫做 幻想形教練？
中場運轉力差最大問題係因為M10，佢踢到好似30幾歲
利迷真係要牛魔林教吓利物浦，先可以知道亂咁炒教練嘅後果
無論沙拿之亂或是Slot之亂都不及球迷之亂！
新聞重溫 2025年12月7號 英超沙拿賽後發言向利物浦逼宮-要球隊解僱史洛特-去年曾要求續約成功 | 星島頭條 利物浦鋒將穆罕默德沙拿(Mohammed Salah)在周六英超再次坐足90分鐘板凳後，終按奈不住主動受訪，不滿自己成為球隊成績差勁的代罪羔羊，更指有人不想自己留隊，矛頭指向領隊史洛特。英國媒體分析指沙拿此舉是向紅軍高層逼宮，要求球會解僱史洛特，事實上他上季亦曾公開抱怨仍未續約，透過記者報導後得逞，獲得高薪合約。 https://www.stheadline.com/football-news/3524708/
我估計，應該係成季都俾沙拿搞到整體士氣低落。沙拿都已經確定走人，仲咁多嗲做乜？點解唔積下口德大家好來好去？利物浦而家對你好差咩？佢就係嗰種臨離開公司但又未夠期走嗰啲老屎忽，因為不滿被邊緣化所以成日週圍同其他同事打毒針，唱衰新老闆。其實對佢無咩幫助，但就係因為情緒發洩所以要唱衰公司，做啲損人不利己既動作只為發洩不滿。 或者有利迷覺得我係搵代罪羔羊，但佢甩波俾人反攻又唔鬧下自己，反而大大聲鬧球隊（即係教練）唔打返重金屬，咁利迷仍然覺得真係唔關沙拿事？ 戰術正常，只係死球差，無翼拉邊，球員執行能力差既老問題，咁如果唔係士氣問題，唔通歸咎犯太歲？ 上面條新聞就係提大家一次，沙拿唔係第一次咁玩嘢。
反正現在利物浦呢幾年要進入曼聯坦克式困境，要變打法但是球迷+舊球員都不想變，攞一年英超冠軍都唔夠能力令球迷接受要轉打法，今年傷兵(尤其是大傷)仲要多，入歐冠已經鴻運當頭la，看看現在利物浦的kol幾乎個個都要slot out，今年入歐戰已經要還神la
打包保雲，森馬維做輪換得唔得！希望再買到迪奧美迪！
YNWA? 笑話黎姐 加普今年唔掂 咪又俾人屌到飛起 沙拿係好波 但真係冇咩領袖風範 其實唔打重金屬係對佢好啲 佢而家仲可以係咁壓迫 跑上跑落咩？ 功臣傳奇真係要學下高普咁 成功不必在我 靈活啲 開放啲 咁隊波先有多啲進步 同擁抱更多新概念 應付唔同的比賽
我想講，弱雞利斯夠廢未？但係佢效力一隊戰術執行能力強既球隊，都可以入到好多球，弱雞淨計英超本季入咗14球，加普入7球5助攻。
沙拿臨別炒花生，係其言也善(利L普遍想法)還是黃蜂尾後針(最毒S拿心)？利L一味話要睇返重金屬打法，究竟係唔係由球員同球迷決定球隊打法？我哋永遠唔會行過一個窿？定事實係利L其實最鍾意自己掘窿？
等於你鍾意睇返悠長假期咋嘛
沙拿單野咪爆左更衣室根本唔信史洛
所以咪要清走佢
一位領隊即使幾有現代思維/戰術合理性，球員唔肯為佢賣命，一切只會係空談，始終落場踢係球員
所以仲要清球員囉