英超決賽是雙方心路歷程的演化結果（何Wayne英超賽後評 - 曼城 2 : 1 阿仙奴）20-4-26

去到戰術嘅最後，都係靠球員屈機

喺我眼中如果阿仙奴今季攞唔到冠軍嘅話其實係有幾樣大問題。首先，亦都係最重要嘅，係佢哋冇冠軍心態，其實奪冠係真係好難，尤其是係由零突破到一，唔係話係咁使錢就做到。呢幾季嘅失敗其實對佢哋造成咗好大壓力，唔單止球迷嘅心態受到影響而變到極端，球員嘅心態其實都受到好大影響，成隊肉眼可見哋大壓力，太過驚輸，為咗贏可以無所不用其極。當然功利足球絕對無問題，足球世界係勝者為王，但有時係會造成反效果。 第二，策略上完全失當，阿仙奴輸俾曼城唔係咩大問題，最大問題係點解會俾呢場成為爭冠嘅最關鍵之戰，攞住咁大優勢都可以俾人抹平。根據何sir嘅講法話係因為練波而輸太過牽強，有易食嘅分唔攞係都要挑戰難度，明顯係本末倒置，所以何sir先會俾人覺得係硬頸盲撐。但你問我嘅話我都解釋唔到，只可以話係傻仔教練。 第三，太大貪，咩都想要唔肯輪換。達sir咩冠都想要，但隊波未到嗰個水平，最後就咩都拎唔到。唔肯做取捨，唔做輪換，最最最奇怪嗰次係歐聯小組賽最後一輪主力打國米，真係睇到我r晒頭，乜嗰個小組賽全勝紀錄有咁重要咩。賴斯蘇比文迪被往死裏用，季尾攰到成隻狗咁，蘇比文迪明顯成為咗球隊嘅明顯弱點，主力唔輪換唔夠體力，後備又冇出場機會，要派上用場嗰陣唔夠經驗，咁又點多線爭冠呢，仲見啲人gel晒話四冠王喎。 最後，進攻能力調教不足，過度依賴死球。成隊波太依賴死球，佢哋嘅死球戰術的確好勁，明顯係經過好多練習先做到，但呢套嘢未無敵到場場都可以靠呢樣嘢贏，當行唔通嗰陣成隊嘢就企咗喺度。 btw我自己雖然好唔鍾意阻龍戰術，但我係覺得阿仙奴咁踢係冇問題，亦覺得佢哋成套嘢設計同運行得好犀利，我覺得最有問題嘅係英超設立嘅規則，呢啲戰術踢落觀感真係太差，同埋真係過度重視身體對抗，會令球員傷病風險增加，亦都削弱咗英超球隊打外戰嘅能力。再提多嘴，今年英足總做冠軍俾阿仙奴真係做得太核突，曼城季中嗰啲黑哨誇張到呢，咁不公嘅足球其實真係唔好睇。

風水佬呃人係真，何sir會唔會轉駄轉得太快呢，季中仲話利記歐聯阿記英超。 上輪就話阿記打多2場領先9分有空間練野，唔洗一個星期就轉駄。 依一刻何sir ，繼唔繼續同意阿上輪有空間練野依個說法？

感覺上阿仙奴圍住禁區頂猜既賽事，佢地中路猜傳D走位太死，彈波太慢，又無高大中鋒，成日要角球戰術開記錄 下季要諗下halfspace突破先掂

唔可能！唔可能现在先放弃！现在先开始！

撐咗阿仙奴成季，你呢個時候嚟轉軚？

2隊的中鋒能力差別太大，夏維斯腳又吾得，頭又吾得，身位又吾得.

為什麼阿冠軍模式冇被天氣影響？

可能其中一個阿迷堅持要炒阿迪達嘅原因，都係因為睇咗 Slot、馬列斯卡同卡域克嘅表現。同樣都係換咗年輕主帥，自然會攞嚟比較。 1）Slot 第一季帶利物浦轉型就直接攞英超為自己正名；第二季始終缺乏快翼同頂級中堅，如果下季引援對症下藥，最少都有機會攞一個冠軍 2）馬列斯卡未夠兩季已經教到車路士識踢控球，令球員開竅，仲贏咗世界球會盃同 Conference League，不過個心始終喺曼城，冇計 3）卡域克用咗半季時間就收拾牛魔林嗰個爛攤子，幫曼聯回勇。雖然而家曼聯仲未經歷四線作戰，暫時睇唔到佢輪換能力，但無論控球定收縮打大戰都超水準，仲令 Cunha 同 Mbeumo 開竅 阿迪達就用咗7年，雖然進步都明顯，但進度相比其他年輕主帥感覺慢咗唔少，而且一直都未有重大冠軍為自己正名，可能就係因為呢點，先令部分阿迷覺得不如一換

曼城有一位關鍵人物永遠可以喺最適當timing喺最適當位置出現，Bernado Silva！

稍為吹毛求疵少少： 其實達sir呢場波係咪可以做埋針對性部署eg 學摩佬當年對車仔咁，叫幾個球員輪流招呼卓奇，去減低對手既進攻流暢度？

即係阿記抽到Fa Cup, UCL抽籤好運係死亡之吻或者糖衣陷阱

我諗起當年嘅 「迷雲黨」 同 「永續雲加」，仲有 「雲加係唔會走架！」🤣🤣

賽後評，點評都得 ！點都可以搵到解釋 ！ 真係評到有啲走火入魔 ！

如果Arteta因為噤下台，新領隊又係亂黎，我想睇何sir發火鬧人。🤣🤣

同埋曼城隊波俾人感覺到每一個人都好齊心，冇話邊個較為想風頭或特別過人！ 而阿仙奴班人，好似只有rice 一個好有熱血，其他人好似都冇乜表現，令到佢哋次次都容易岀事

何sir其實達sir同佢師傅比較，師傅會每個球員比時間佢領會點樣容合球隊同埋會有耐性講解問題。 而達sir 好似冇咁樣做？

何Sir，我覺得你已經睇運程睇到凌駕左客觀分析，我記得初頭你話去到好重要既賽事先用，但今季淨係 “紅運光頭”我都唔知聽左幾多次了。

曼城賽程都幾難 阿迷其實未洗灰心

​如果阿仙奴歐聯出局，而曼城要 因應足總盃晉級決賽 應付雙線作戰，5月嘅戰局將會發生質變？ 因為曼城入咗足總盃決賽， 會喺5月16號 去Wembley 踢， 而原本17號作客 般尼茅夫可能會延後，曼城到時嘅賽程會更加頻密

阿仙奴逢4月自爆推出爭冠 係統計學上已成為足球理論，要考慮埋

阿迪達響聯賽過份重視防守，令到操防守操到有傷兵潮+影響破密集。佢嘅保守係會一直阻礙佢赢英超。咁保守反而有利歐聯攞較好成積，但又搞到佢衰貪心，唔肯放棄歐聯戰線。如果下季佢都係咁，只會屆屆失冠。同埋唔係季季都衝冠，揀ㄧ年谷下先大機會，否則變多蒙特

上星期哥迪奧拿話有太陽就會贏波，啲外媒都係當佢 9up😂😂

唔輪換搞到啲球員越踢越退步係好大嘅問題

哥帥會唔會因為Cheki而繼續教！

話阿仙奴疲倦 ， 都已經買人買夠AB隊 亦都踢傳控冠軍模式keep體能 ， 咁就唔好賴體能傷兵啦 。 買夠ABC 隊比你好無？ 某啲位根本完全唔輪換 ， 所以其實最佳體能同疲倦根治嘅方法係物理上休息 而唔係傳控，傳控keep 體能說法太過raw ，最多咪keep 10-15% ，反而傳控更多係提供到穩定嘅進攻方法，有個formula 比球員去跟容易啲入波

那些唔喜欢達叔教 不如给那班球迷 amorin啦

所以話呢個世界唔會個個都係贏家，實有人永遠都贏唔到，唔係個個都有happy ending，呢d已經寫定曬

阿仙奴幾慘 近四年有3年衰自爆英超飲恨

不過真替阿仙奴和阿迪達慘，隨時連續四年亞軍，會不會他真是沒有冠軍命呢？ 就算有下一季，球員都不知還會不會為他搏命

咁點解阿仙奴可以全季都打冠軍模式? 唔使睇天氣

曼城上半季失分其中一個原因係杜古傷咗，嗰段時間狂失分。施曼尤係聖誕轉會窗先過黎。杜古出返黎，加上天氣好咗，即刻生返晒。

話說水晶宮&維拉都有機會踢歐洲賽決賽 最後一輪咩心態去踢都好難講

謝謝何Sir 其實阿仙奴會否戰術上要改變，唔好咁依賴死球。。前幾場果啲失分真係好無謂。。。

琴晚阿迪達又出大絕，鬼鬼鼠鼠踢走人地個波，呢樣素樣，佢同師傅冇得比！一係學摩佬，施蒙尼做小人，一係學師傅，高普甚至雲加君子！好做唔做，做岳不群！

即係抄Slot功課，今季作客阿記果場！

最傷系般尼茅夫個場。阿迪達不介意賽果，練來打曼城最後輸波，而家聯賽都可能無埋。阿迪達而家可以用最後五場慢慢練，甚至可以練到師傅退休。

但如果個差唔多仲要等五年係咪都仲要等？

作為阿迷對昨晚場波滿意收貨，冠唔冠軍未來事邊個知。

我腦細係廿幾三十年阿迷 佢係咁講今季阿仙奴無冠就要炒阿迪達 我心諗邊度咁易搵到個好教練呀 望下車仔🤣🤣 曼聯都係炒左牛魔林換左個肯踢控球在腳卡域克先有起色 以為英超仲好似以前咁咁易拎冠軍

終於何蛇都要轉軚，太可惜仲諗住可以撐阿記攞英超到完季，咁阿迪達運程好係咪即係有歐聯冠軍咁解，定係Simeone/kompany/enrique運程比佢更好

希望馬利斯卡接手曼城 咁就可以繼承皇朝～～

加油啦阿仙奴，我地利记都捱佐咁多年，越难拿既冠军拿到先会越开心

如果歐聯進到決賽，用昨天的戰術打巴黎或拜仁大機會大不大

今季曼城同利物浦咁渣都攞唔到下季真係仲有機會？

球隊每年都有進步係因為一直都攞唔到任何冠軍先令到咁多球迷心急同無奈 作為球迷都係一場一場咁支持喇 坊間其他球迷講ge野做ge野都不要太上心

今季英超戲肉黎啦🙏🏻🩵

曼城呢條4人後防冇乜人提，但其實都幾勁

今季最後一輪會唔會又好似當年9320咁精采🤤

下季囉，哥帥走，應該拎啦掛

阿仙奴摞個歐聯執返身彩啦

First Comment! 唉，阿記做得再好都冇用，因為現實世界永遠冇人會記得第二名！冇 major 冠軍就算係失敗！