專屬賽後評：利物浦又係主場情緒主導（何Wayne歐聯賽後評 - 利物浦 0 : 2巴黎）15-4-26

所以夏天再清多幾個高普舊人，可以專注打slotball

我個利迷老豆話，就算xabi教唔好炒左，重有謝拉特。🤣

Xabi喺皇馬大戰成績其實都係唔穩定

最尾講開心個part好有喜感共鳴😆

其實呢度好多人斟酌都係下半場應唔應該谷返出去搶控球，其實呢樣野就最考教練功力，因為有太多因素可以影響，本身就機會率極低嘅事，如果大家都執住嗰2/30分鐘去爭拗，我覺得意義不大 我自己今次都偏向同意球迷嘅角度，雖然繼續收縮係可以保持和局，但何Wayne講嘅要去到80分鐘先搏鎚又似乎太遲，首先體能已經會用得七七八八，唔肯定有冇力再做逼搶；其次球員要採取主動進攻，都要時間改變取態，可能去到8X/90分鐘先run順，到時候乜野都太遲；最後，80分鐘後PSG會緊張，難道利物浦球員唔會緊張？收縮咗全場，仍然落後兩粒，去到最後時刻先定生死，我個人認為利物浦球員可能更緊張，越搓越亂而失波 不過，我都認為何Wayne嘅語氣裏面無責怪Slot嘅意思，因為佢賽後評嘅作風就係雞蛋裡挑骨頭，而佢最後亦有補充，認為Slot喺打大戰嘅經驗係一直有進步，而佢話80分鐘後先逼搶亦只係佢一個建議（事實上呢隊利物浦要淨勝PSG兩球，真係要等到05年歐聯決賽咁嘅奇跡，呢個世界邊有咁多奇跡呀），如果因為咁樣就猛烈抨擊亦係有失公允 如果我要挑剔Slot嘅部署，我會覺得既然上半場係諗著縮，下半場先搶攻，點解唔將Isak同Frimpong先列後備，出住Gomez同Salah/Gakpo頂住先，去到下半場先換出兩個有速度嘅球員搏鎚？呢兩個球員都只可以踢45分鐘，而家比佢地踢上半場，基本上用唔到佢地嘅特性，會唔會呢個比起Slot選擇進攻嘅時機更值得討論？希望何Wayne都可以解答下

E22 可能連下季都錯過大部分了，紅軍今季傷親都好大鍋，似乎Slot 係行衰運多啲，何sir 係咪天運難測😂

今場利記個處境就好似當護級球隊對住前列球隊，弱嗰邊縱使一開波就落後一球都不應大肆反撲攻出去，反而應該繼續守落去防止多失，再留到尾段先搏下有冇死球或趁對方犯錯扳平，過往利記、阿仙奴甚或曼聯都曾經咁樣被追平失分。只是今次利記首回合因擺錯陣多失一球而增加難度，如只落後一球就可以好似何sir所講最尾先谷一段搏一搏，所以今場要有運氣加奇蹟才可追到兩球。希望我呢個比喻無理解錯何sir想法。

千错万错就是第一回用错结构合洗湿咗个头，其实我都唔觉得会赢，就算收缩没反击都预咗久守必失。我宁愿输咗算数，留力打英超争前5好过。

其实是英足总害左全部球会

巴黎本來兩場歐冠比賽中間有場聯賽榜首大戰，本身可以令巴黎有所消耗，但而家可以休足一星期，其實咁樣係咪對其他對手唔公平，歐洲足協可否干預

哥迪奧拿最近都好似只打下半場，上場曼城對車仔上半場打到 pat 屎咁樣，下半場就判若兩隊。

今屆歐聯啲判決好鬼奇怪。

但係有無歐聯落後兩球仍然堅持收縮而反勝晉級嘅例子？

另外收縮會唔會駁到死球？上半場三個角球，下半場五個角球，控球率來計，上半場駁到角球的效率更高，而且較安全唔使失波。原因係利物浦面對密集突破力不足，亦都好少落底，所以面對密集搏唔到啲咩角球。反而你打反擊，有空間抵達底線的機會較大。另外，全場最有威脅嘅係上半場嘅死球，所以收縮再駁死球，係可以嘅，新特蘭都係咁樣。

建議何Sir 呢條放出街比班傻西聽下, 我自己最鍾意史洛就係佢反省得夠快, 第一回合做錯嘅野, 第二回合已經意識到要修正返, 呢樣野市面上都唔知有幾多教練有咁嘅智力做到, 好彩利物浦管理層都仲知道要點做 我個人覺得就算季尾史洛真係唔留係到, 請馬利斯卡會好過沙比阿朗素, 起碼試過決賽識轉打法收縮贏埋 PSG, 又識幫球員開竅

在此一次過回覆關於球隊盡咗力，唔需要咁苛刻去評價，或者唔需要計算太多，同埋技不如人應該認輸嘅講法。首先如果盡咗力，唔需要再批評，咁樣好多其他嘅賽事都係一樣話盡咗力唔使計咁多，咁樣係唔會進步。足球到今日進步係因為越嚟越多計算，唔使咁多計算係舊年代嘅諗法。摩連奴抬頭，哥迪奧拿崛起全部靠計算。佢兩個係推進現代足球進步嘅人，連高譜都會開始學習佢哋兩個，唔係淨係靠激情或者盡力就算。認輸一向都唔係我嘅選擇，當你肯認輸嘅時候，就係你退休嘅時候。最後，我一直想同任何球迷保持良好關係，有時都唔想加深誤會，但係有啲原則都要守。

如果管理層係情緒主導，或者俾球迷情緒主導，光頭叔叔一早已經可以另謀高就，唔會今時今日仲可以喺記者會侃侃而談啦 理性到唔可以再理性，球迷亦一早已經被迫理性，至少我自己同識得嘅球迷已經接受左光頭叔叔肯定至少教埋今季。 最唔理性係點解管理層冬窗唔俾錢光頭叔叔買人嘅，今季d人傷到咁，明顯冇左上季嘅運氣（健康狀況相對較好）,得返一年約又唔肯同光頭叔叔傾續約，即係管理層都諗緊囉，唔知管理層又係唔係情緒主導啦？因為班主見到水晶宮降格踢歐協聯事件之後，連收購衛星球會計劃都擱置埋，愛華士同曉士今季完左都唔知會唔會留低？如果人走左，都冇得講理性同情緒主導啦。

如果全場泊大巴龜縮點樣可以搏到死球？冇死球又點樣可以入到波？今年係落後緊兩球，又冇速度型進攻點打反擊，伊基迪奇仲要傷埋，請問光頭叔叔可以點做？咁都仲想光頭叔叔死守？死守又踢唔到快速反擊，試問點樣去搏死球？係咪求巴黎班球員自動踢個波出界俾你用手榴彈呢？定係想巴黎班球員無端端踢跌你？ 呢場我撐光頭叔叔嘅戰術調整，都已經係背水一戰，仲點可以完全死守？呢場唔怪球員同個教練嘅戰術，優勝劣敗，冇嘢好講，認輸係最誠實同實際嘅選擇

冇辦法 冇左E22 上半場反擊減低好多 其實可能本身部署 兩翼留力 下半場轉4231 谷一段時間 破密集能力都更好 所以點解Isak踢得半場都揀上半場用左佢

我真係聽唔明，上一季都仲可以講得通，畢竟真係領先緊首回合，真係大可以唔攻，但今次係落後緊兩球，仲要已經守咗個上半場，淨返45分鐘可以追，都仲唔攻得？搏到十二碼係63分鐘，你同樣話唔應該攻，入唔入都唔應該攻，得返30分鐘喎？入咗追返一球，唔攻？改判咗冇咗十二碼，30分鐘繼續落後兩球，都唔攻？咁究竟幾時先攻？由頭到尾都淨係聽到你話等機會，究竟個機會係咩？原來係等到80分鐘先可以攻。理由係咩呀？PSG反擊能力會最弱，乜唔係話高控球率keep到體能咩？唔係話踢少一場法甲有體能優勢無可逆轉咩？PSG無後備進攻點補充反擊力咩？原來等到80分鐘就會一筆勾銷。利物浦收縮80分鐘長期受壓，又啱啱打完場英超，會唔會有體能劣勢呀？唔怕！去到80分鐘就有體能優勢嘗試偷雞。你要唔要再聽多次自己講緊啲咩？ 唔好再講咩情緒主導，你就真係情緒主導，至少以我聽咗咁多年嚟講，我係完全聽得明你講乜，我先會咁火滾。今日利記上下嘅表現我大體上已經收晒貨，上半場有紀律收縮，下半場可以轉換模式拎返團火出嚟去搏，不論戰術執行定球員意志都拎到高分數。其實本應我都expect你會咁講，結果原來守45分鐘都唔滿意，要守夠80分鐘先啱你心意，大佬唔好咁痴線好唔好？呢個世界唔可以淨係do the thing right，你問千千萬萬個球迷，要啱戰術定係要結果，1000%肯定冇人會care戰術。去到最後45分鐘，追兩球先係do the right thing，點會本末倒置到咁？ 我徹底放棄，上一年我都仲顧忌影響到其他group友，輕輕講下就算，今次真心覺得呢種心態好走火入魔。我退一萬步咁講，足球本質就係競技運動，球員球迷受情緒主導，本質上係冇錯，反而你下下將球員執行力同教練戰術部署當成機械人咁諗，呢啲先係離地 最後補多句，in case你get唔到，我同你一樣都係撐Slot留隊，唔係覺得今場打得好就一定係Slot out一定係唔理性

同埋都唔會炒史洛㗎啦，成班管理層，董事都知一動不如一靜，依家都輸左啦，當係比新教練嘅經驗啦，史洛今年最好運應該係上面比時間佢，如果其他球會第二日可能已經消失左😂

利記前五機會？

所以似乎真系命中注定阿仙奴決賽搞掂大巴黎？🤔

使鬼理球迷，球迷只係精神寄托！最緊要FSG有獨立思考！ 就好似我上星期帶仔入場睇理文 vs 傑志 聯賽盃 final! 理文就擺明唔夠𠎀志黎，人哋𠍇志有前皇馬球員伊拉文迪 理文全場收縮，終於等到兩個反擊機會入兩球 最勁就係入完兩球繼讀縮，最後只輸番一球久守久失，win 2:1

利物浦下半場穀，係重金屬壓迫來回高速球；定係利物浦大軍壓上，巴黎被迫收縮，利物浦面對密集，巴黎穩守反擊？

何sir標題個比數調轉左😅

其實我覺得Slot算係咁啦，唔博全場收縮最後出局點都會比人話得勁過博完但都出局，最後10分鐘先博又會比人話太短，既然點都會比球迷話咁當然揀個比人話得最少嘅戰術啦 Slot今鋪最理性啊，理性到連球迷情緒都納入埋賽前沙盆推演中🤣👍🏻

好想贏返巴黎一次😭 特別巴黎用外掛更加想贏到佢😂不過無計啦 第一回合用錯陣 下年抽到巴黎又係過唔到😮‍💨

應該係埃及球王最後一場歐聯比賽😥